حسن علی کی ہونے والی بھارتی دلہنیہ کی تصویر سامنے آگئی,

لاہور(۔30 جولائی 2019ء) حسن علی کی ہونے والی دلہنیہ کی تصویر سامنے آگئی، قومی ٹیم کے فاسٹ باولر کی ہونے والی اہلیہ کا تعلق بھارت سے ہے۔ تفصیلات کے مطابق پاکستان کے فاسٹ باولر حسن علی کی ہونے والی اہلیہ کی تصویر سامنے آگئی ہے۔ حسن علی کی ہونے والی اہلیہ کا تعلق بھارت سے ہے۔ سامنے آنے والی تصویر دیکھ کر حسن علی کے مداح اور دیگر سوشل میڈیا صارفین ان کی تعریفوں میں زمین آسمان ایک کر رہے ہیں،

دوسری جانب اس حوالے سے قومی کرکٹ ٹیم کے پیسر حسن علی نے خاموشی توڑتے ہوئے کہا ہے کہ شادی سے متعلق اعلان جلد کروں گا۔سماجی رابطے کی ویب سائٹ پر اپنے ایک ٹوئٹ میں حسن علی کا کہنا تھا کہ ”واضح کرناچاہتاہوں ابھی شادی طے نہیں ہوئی، ہمارے والدین کے درمیان ملاقات میں شادی کے معاملات طے ہوں گے،ان کا کہنا تھا کہ شادی سے متعلق اعلان جلد کردوں گا“۔

قبل ازیں اطلاعات سامنے آئیں تھیں کہ حسن علی بھارتی لڑکی شامیہ سے شادی کرنے کا ارادہ رکھتے ہیں اور اس حوالے سے دونوں گھرانوں کے بڑوں نے بات چیت طے کرلی۔ذرائع کے مطابق حسن علی سے منسوب کر کے جس لڑکی کا نام جوڑا جارہا ہے وہ ایمرٹس ایئر لائن میں انجینئر کے طور پر کام کررہی ہیں ،حسن علی کی ہونےوالی دلہن کا تعلق بھارتی ریاست ہریانہ سے ہے ، وہ والدین کے ساتھ دبئی میں ہی مقیم ہیں جب کہ ان کے خاندان کے دیگر افراد نئی دہلی میں مقیم ہیں،شامیہ نے انگلینڈ سے ہی انجینئرنگ مکمل کی تھی،بھارتی میڈیا کے مطابق دونوں کی ملاقات ورلڈ کپ 2019ءکے درمیان ہی دبئی میں ہوئی تھی جہا ں وہ پاکستانی کرکٹر کو پسند آگئیں ۔
واضح رہے کہ اگر فاسٹ باﺅلر حسن علی بھی بھارتی لڑکی کو اپنی اہلیہ بناتے ہیں تو یہ پہلا موقع نہیں ہوگا جب کسی پاکستانی کرکٹر نے بھارت سے دلہن لائی ہو۔ اس سے قبل قومی ٹیم کے آل راﺅنڈر شعیب ملک، عظیم بلے باز ظہیر عباس اور محسن حسن خان بھی بھارتی خواتین سے شادی کر چکے ہیں، اگر حسن علی بھی بھارت کی کسی خاتون سے شادی کرنے کا فیصلہ کرتے ہیں، تو پھر وہ بھی شعیب ملک، عظیم بلے باز ظہیر عباس اور محسن حسن خان کے کلب میں شامل ہو جائیں گے۔