نامعلوم چوروں کی انوکھی واردات”سکولوں کی سولر پلیٹیں اور بیٹریاں چرالیں”

رحیم یارخان ( )نامعلوم چوروں کی انوکھی واردات، 6 بوائز پرائمری سکولوں میں بجلی کی فراہمی کیلئے لاکھوں روپے مالیت کی سولر پلیٹیں اوربیٹریاں چرالیں، ملزمان فرار،

متاثرہ سکولوں کے ہیڈماسٹرمقدمات کے اندراج کے لئے تھانہ پہنچ گئے۔ تفصیل کے مطابق گزشتہ روز گورنمنٹ بوائزپرائمری سکول بستی خدابخش، گورنمنٹ بوائزپرائمری سکول چک133پی، گورنمنٹ بوائز پرائمری سکول واہ فقیراں، گورنمنٹ بوائزپرائمری سکول چک 135پی، گورنمنٹ بوائز پرائمری سکول اعظم آباد اور گورنمنٹ بوائز پرائمری سکول لدھا ارائیں کے سکولوں میں تعینات سکول ہیڈماسٹر نے پولیس تھانہ ائیر پورٹ کو اپنی تحریری شکایات میں بیان کیا کہ نامعلوم چور سکولوں میں بجلی کی فراہمی کیلئے لاکھوں روپے مالیت کی سولر پلیٹیں اوربیٹریاں چرا کرفرارہوگئے ہیں، پولیس نے متاثرہ سکولوں کے ہیڈماسٹرز کی تحریری شکایات پر کارروائی شروع کردی ہے۔