رحیم یار خان( )شیخ زید میڈیکل کالج و ہسپتال کا اعزاز،
شیخ زید ہسپتال و میڈیکل کالج کی تین شخصیات کو نیشنل آڈیٹوریم لاہور میں 23مارچ یوم پاکستان کے موقع پر منعقدہ تقریب میں قائد اعظم گولڈ میڈل سے نوازا گیا۔ان شخصیات میں پروفیسر ڈاکٹر محمد بلال غفور، پروفیسر ڈاکٹر محمد شہباز حسین اور ڈپٹی میڈیکل سپرنٹنڈنٹ ڈاکٹر محمد الیاس شامل ہیں۔کورونا مرض کی وباء کے دوران انسانیت کی بے لوث خدمت کرنے پر شیخ زید میڈیکل کالج و ہسپتال کے ان ڈاکٹرز کو نامزد کیا گیا اور اعزاز سے نوازا گیا۔
کورونا لیب کے قیام اور اس مرض کے دوران ڈاکٹر شہباز حسین کی خدمات لائق تحسین ہیں جبکہ ہیماٹالوجی کے شعبہ میں ڈاکٹر محمد بلال غفور اور کورونا کے مریضوں کو سہولیات کی فراہمی پر ڈاکٹر الیاس احمد کو قائد اعظم گولڈ میڈل سے نوازا گیا۔اس موقع پر خواجہ فرید یونیورسٹی آف انجینئرنگ اینڈ انفارمیشن ٹیکنالوجی کے وائس چانسلر پروفیسر ڈاکٹر سلیمان طاہر، ڈاکٹر مظہر حسین سمیت سرکاری افسران موجود تھے۔
Load/Hide Comments
افطاری
جم بار ریفریشمنٹ اینڈ پیزا فاسٹ فوڈ
زیادہ مشہور خبریں
